O 14 de maio tivo lugar, no Edificio Fontán da Cidade da Cultura en Santiago de Compostela, a reunión anual do profesorado que coordina os clubs de lectura dos centros que participan no programa de CLUBS DE LECTURA, da Consellería de Educación, Ciencia, Universidades e Formación Profesional. Preto de 500 persoas, entre participantes, relatores e persoas asesoras de formación do profesorado, tivemos a oportunidade de recibir formación, compartir experiencias e afondar en novas accións sobre o libro e a lectura.
![](https://clubgaleano.wordpress.com/wp-content/uploads/2024/05/presentacion.jpg?w=1024)
Así mesmo, entregouse o Premio dos Clubs de Lectura 2024 a escritora Arantza Portabales, por ser a autora galega máis lida nos clubs de lectura no curso 2022/2023.
![](https://clubgaleano.wordpress.com/wp-content/uploads/2024/05/entrega-premio.jpg?w=1024)
O programa contemplou así mesmo a intervención (por vídeoconferencia) da antropóloga e investigadora Michèle Petit acompañada pola profesora da USC Montse Pena Presas.
![](https://clubgaleano.wordpress.com/wp-content/uploads/2024/05/videoc.jpg?w=1024)